يا مصريين! يا جزائريين! فوقوا

من الحملات التسويقية الشرسة إلى حروب فيسبوك، المبارة التي ستكون بين مصر والجزائر في 14 تشرين الثاني [نوفمبر]، بدأت تأخذ منحى الحرب القذرة. الممثل المصري-الجزائري أحمد مكي خصص نداء الاستيقاظ هذا إلى هذه الجموع المنومة:

يستحق رفع القبعات، زنوبيا كتبت:

بعد الاستماع إلى أغاني راب مصرية و جزائرية مقززة ومهينة لكلا الطرفين، الممثل/المخرج/مطرب الراب، المصري-الجزائري أحمد مكي أطلق هذه الأغنية، والتي أعتقد أنه كان يجب اطلاقها أبكر من ذلك حيث كانت ستلعب دور هام في جعل الأطراف تستيقظ من هذا الغباء.

نوارة نجم تقع في حب أحمد مكي:

احمد مكي عمل الاغنية دي: اول جريمة في الكون كانت بين اتنين اخوات؟ انا ح احبه بقى، مين اللي كاتب الكلام؟ ده واحد بيفهم ح تفرق معاكوا كتير لو قلت لكوا اننا والجزائريين متطابقين في الدي ان ايه؟ في حاجة واحدة، اننا نثبت ان الهبل وراثة، وده يبقى سبق علمي نقدر نتقدم بيه للجامعات العالمية ونقول حققنا فتح علمي.

كلمات الأغنية:

أول جريمة فى الكون كانت بين اتنين اخوات
قابيل هايبل يا ريتنا بنتعلم من كل اللى فات
تاريخنا عاد نفسه مليون مرة و ما بنتعلمش
و بنسال نفسنا دايما طب ليه ما بنتقدمش؟
قالها راجل حكيم زمان
فى الاتحاد قوة و فى الفرقة ضعف
ياريتك تفهم معنى كلمة ضعف
عارف الغرب اتحول عالم اول ليه؟
مشيوا بالظبط عاللى فى يوم جدودك قالوا عليه
الغرب اتعلم مننا فكرة الاتحاد
و ترجم كل كتبنا للغاتهم و استفاد
و احنا بقينا عالم تالت و كرهنا لبعض زودها
خلانا عالم مكانه ساكت
يا مصر و يا جزائر انتوا احفاد شهداء
لرفع اسم العروبة فوق فدوها بالدماء
و الله لو عملتوا نص اللى اتعمل ما بينكوا ساعة ما امريكا جت غزت العراق
ما كاتش دخلت
خير أجناد الارض و اقوى و اعظم ثوار
لو اتحدتم مع بعض صوتكم هيكون جبار
قريت جرايد برة و شوفت اليو تيوب و اتنكدت
ياااه لما الحفيد يضيع جهد الجد
صراع الاخوات بقى مانشيتات فى جرايد الغرب
كل المحطوط عاليوتيوب مش تشجيع .. دى اسمها حرب
تشجيع بلدك من حقك .. مش بس حقك دا واجبك
اهتف .. قوم ارفع علمك
شجع اخوك من قلبك و اوعى تخلى الانانية و العصبية تشوه وطنك
الوطن العربى .. ما هو وطنى و وطنك
فيكو نفس الأديان .. فيكوا نفس الألوان
نفس القارة .. نفس الوطن .. انتوا الاتنين اخوات
فوقوا

4 تعليقات

شارك النقاش

الرجاء تسجيل الدخول »

شروط الاستخدام

  • جميع التعليقات تخضع للتدقيق. الرجاء عدم إرسال التعليق أكثر من مرة كي لا يعتبر تعليق مزعج.
  • الرجاء معاملة الآخرين باحترام. التعليقات التي تحوي تحريضاً على الكره، فواحش أو هجوم شخصي لن يتم نشرها.